Eksklusive: Hidrocentrali i Devollit publikon Draft Raportin e VNM

E Martë 16 Gusht 2011 13:00

Projekti Hidroenergjetik i Devollit përfshin planifikimin dhe ndërtimin e tre hidrocentraleve përgjatë Luginës së Lumit Devoll dhe linjat e nevojshme të transmisionit për lidhjen e HEC-eve me rrjetin kombëtar të energjisë:
1. HEC-i Banjë, vendndodhja afërsisht 40 km në jug të Tiranës, Rrethi Elbasanit.
2. HEC-i Kokël, vendndodhja afërsisht 30 km mbi Digën e Banjës, Rrethi Gramsh.
3. HEC-i Moglicë, vendndodhja afërsisht 5 km mbi HEC Kokël dhe Digën Moglicë, të vendosura afërsisht 11 km në pjesën e sipërme të HEC Moglicë, në Rrethin e Korçës.
Kapaciteti i instaluar i tre HEC-eve është planifikuar të jetë rreth 280 MW.
Bazuar në legjislacionin shqiptar, ligji Nr. 8990, dt. 23.01.2003, i ndryshuar, si dhe Standartet Ndërkombëtare, është e detyrueshme kryerja e një Vlerësimi të Ndikimit Mjedisor dhe Social për projektet e mëdha në infrastrukturë.
Pas nje pune te gjate, kryer nga ekspert te pavaruar mjedisor dhe social, ky Draft-Raport eshte tashme i hapur per tu shfletuar nga publiku.
Dëgjesat Publike për Draft-Raportin e Vlerësimit për Ndikimet Mjedisore dhe Sociale (VNMS) për Projektin Hidroenergjetik të Devollit janë planifikuar të mbahen në periudhën 12-15 Shtator 2011.
Koha dhe vendi i Degjesave Publike do te njoftohet se shpejti
Se bashku me kopjen e raportit do te mund te gjeni:
• Fletëpalosje me shpjegime të përgjithshme të procesit të VNMS-së
• Kopje të Përmbledhjes Ekzekutive të Draft-Raportit të VNMS-së, e cila përshkruan ndikimet e identifikuara dhe të pritshme të projektit dhe masat e sugjeruara për zbutjen e tyre.
• Hartën e Projektit dhe hartat e zonave që do të jenë nën ujë, përfshirë - nëse është e nevojshme - edhe një hartë të detajuar të zonës suaj.
• Broshura e Projektit të DHP-së ku ju mund të gjeni detajet teknike mbi Skemën e Projektit.
Nëse ende nuk keni një kopje të Përmbledhjes Ekzekutive të Draft-Raportit të VNMS-së ose të materialeve të tjera të publikuara, ju mund të gjeni një kopje pranë adresave të mëposhtme:
• Ministria e Ekonomisë, Tregtisë dhe Energjetikës
• Këshilli i Qarkut Elbasan, Korçë, Berat dhe Fier.
• Agjencitë Rajonale Mjedisore në Elbasan, Korçë, Berat dhe Fier
• Zyrat e Komunave
• Kryeplaku i fshatit tuaj
• Qendra e DHP-së për Informimin e Publikut, Gramsh
• Zyrat e DHP-së:
 o Tiranë
 o Gramsh

• Faqja e internetit e DHP-së: www.devollhydropower.al
• Faqja e internetit e METE-s: www.mete.gov.al

Ju lutem klikoni ketu per te lexuar përmbledhjen e plote.
Komente/Pyetje:
Komentet dhe pyetjet mbi Draft-Raportin e VNMS-së mund të paraqiten pranë kontaktit te mëposhtëm.
Adresa dhe kontaktet e DHP-së:
Devoll Hydropower Sh.A.
ABA Business Centre Zyra Nr. 1204
Rruga Papa Gjon Pali II, Tiranë
Tel: +355 (0) 4 450 1 450
E-mail: Kjo adresë e-maili është e mbrojtur nga spam bots, duhet të aktivizoni javascript për ta parë atë
Web: www.devollhydropower.al

Draft-Raporti i VNMS-së dhe informacioni i paraqitur në Debatin Publik është përgatitur nga kompania konsulente e pavarur Norconsult;
Adresa dhe kontaktet:
Norconsult AS
Vestfjordgaten 4
1338 Sandvika
Norvegji
www.norconsult.com

energjia.al, 16.08.2011

Related Tags: raportin, vnm, draft, publikon, hidrocentrali, devollit, eksklusive